Әлки хәбәрләре
  • Рус Тат
  • Әлки районында Яңа ел төне тыныч һәм имин узды

    Районда Яңа ел төне тыныч һәм имин узды.

    Район эчке эшләр бүлекчәсеннән хәбәр итүләренчә, бәйрәм төнедә җитди хокук бозулар теркәлмәгән. Бары берничә тәртипсезлек очрагы һәм вак юл-транспорт вакыйгалары гына булган. Анда кешеләр зыян күрмәгән.

    “Ашыгыч ярдәм” фельдшеры Любовь Оспенникова сүзләренә караганда, әлеге хезмәттә дә чагыштырмача тыныч булган. Яңа ел төнендә һәм 1 гыйнвар иртәсендә 13 чакыру теркәлгән. “Мөрәҗәгатьләр нигездә югары температура һәм бәрелү- сугылулар белән бәйле”,- ди фельдшер.

    Реклама

    Янгын сүндерүчеләргә исә бәйрәм иртәсендә инде ут белән көрәшергә туры килгән. 1 гыйнварда 4.00 сәгатьтә Чуаш Борнае авылында сарай янып киткән. Ут тиз арада сүндерелгән.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: