Әлки хәбәрләре
  • Рус Тат
  • Әлкилеләр чирдән саклана – районда коронавирус йоктыруның расланган очраклары юк

    Район үзәк хастаханәсе табиб-эпидемиологы Эллада Дюгеева шулай хәбәр итте.

    Кызганыч, республикада әлеге куркыныч инфекция белән зарарлану очраклары арта бара. Бүген коронавирус йоктыруның 70 яңа очрагы расланган. 18 кеше хастаханәгә салынган, 52 кеше өйдә дәвалана (аларда авыруның җиңел яисә симптомсыз формасы). 11 кеше авыруны читтән йоктырып кайткан, 59 ы контакт нәтиҗәсендә зарарланган.

    Бүген авырулары расланганннар арасында күрше-тирә районнарда яшәүчеләр дә бар. Аксубайда һәм Чистайда коронавирусның берәр очрагы ачыкланган.

    Сөенечкә, районда  авыруның расланган очраклары юк. Ни генә булмасын, бу әлкилеләрнең саклану чараларын җитди үтәве хакында да сөйли.

    Куркыныч инфекция районыбызга бөтенләй дә үтеп кермәсен өчен барын да эшлик! Ә бит моның өчен көчтән килмәгәнне тырышасы да юк.

    –Гигиена таләпләрен төгәл үтәргә, кулларны сабынлап ешрак юарга, битлек киеп йөрергә кирәк. Бик нык зарурлык булмаганда өйдән чыкмагыз, мөмкин кадәр аралашмаска тырышыгыз!–дип кисәтә табиб-эпидемиолог Эллада Дюгеева.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: