Әлкилеләр игътибарына: Татарстанда Кеше хокуклары буенча вәкаләтле вәкил сәламәтлек саклау министры белән бергә халыкны кабул итә

20 августта Татарстанда Кеше хокуклары буенча вәкаләтле вәкил республика сәламәтлек саклау министры белән бергә медицина мәсьәләләре буенча халыкны кабул итәчәк.

Кабул итү сәгать 10 нан башлап Татарстанда Кеше хокуклары буенча вәкаләтле вәкил аппаратында (Казан шәһ., Карл Маркс ур., 61) була. (843)236-41-80 телефоны буенча алдан язылырга кирәк.  Район халкы сәламәтлек саклауга кагылышлы сорауларын “Skype” программасы аша турыдан-туры тоташу юлы белән дә бирә ала.