Әлки хәбәрләре
  • Рус Тат
  • Роберт Гадиев 8 Март бәйрәме белән котлый

    Роберт Гадиев, район авыл хуҗалыгы һәм азык-төлек идарәсе начальнигы.

    Елның иң дәртле, матур чоры – яз, һәм ул гүзәл затларыбыз хатын-кызларга багышланган бәйрәм белән башланып китә. Яз табигатькә яңа сулыш өргән, кышкы йокыдан уяткан кебек, хатын-кыз да дөньяга яңа тормыш китерә бит. Безне тудырып, яшәү шатлыгы бүләк иткән әниләребез алдында ничек баш имисең дә, без ир-атларны уллы-кызлы итеп, нәселебезне ишәйткән сөеклеләребезне ничек изге җаннарга тиңләмисең?!

    Аналарның наз тулы җаннары, ару-талуны белмәс йомшак җылы куллары безгә яшәү көче бирә, һәр көнебезне мәгънәле итә. Рәхмәт сезгә, әнкәйләр, тормыш иптәшләребез!

    Реклама

    Район авыл хуҗалыгында бик күп фидакарь хатын-кызлар хезмәт куя. Алар арасында урта буын белгечләр, савымчы һәм терлекчеләр, эшкәртү предприятиеләрендә тырышып эшләүчеләр бар. Мин шуны беләм: теге я бу эшне хатын-кызларга йөкләсәң, алар аны җиренә җиткереп, җаваплылык тоеп башкарачак. Барыгызны да 8 Март бәйрәме белән котлыйм һәм күңел яктылыгы, нык исәнлек, бәхетле имин тормыш телим. Олы рәхмәтебез яусын сезгә, авыл уңганнары!

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: