Әлки хәбәрләре
  • Рус Тат
  • Татарстан Дәүләт автоинспекциясе һава шартларының начарлануы хакында хәбәр итә

    Синоптиклар фаразлары буенча, 27 гыйнварда Татарстан Республикасы территориясендә кар, томан, урыны белән буран, җилнең секундка 18 метрга кадәр көчәюе, шулай ук бозлавык көтелә.

    Татарстан Дәүләт автоинспекциясе транспорт йөртүчеләрне юлда үтә игътибарлы булырга чакыра.

     

    Татарстан автоинспекциясе транспорт йөртүчеләрне юлда бик игътибарлы булырга чакыра. Машина йөртүчеләр катлаулы юл-һава шартларында юл хәрәкәте хәвефсезлеген тәэмин итәрлек тизлек сайларга тиешләр.

    Кискен маневрлардан сакланырга кирәк. Бигрәк тә юлның каршы як хәрәкәт өчен билгеләнгән өлешенә чыгу куркыныч.

    Транспорт йөртүчеләрнең дә, пассажирларның да  хәвефсезлек каешлары белән каптырылган булуы зарур. Җиңел автомобильнең алгы утыргычында 12 яшькә кадәр балалар, ә арткы утыргычта  7 яшькә кадәрге балалар бары тик үз авырлыкларына һәм буйларына туры килә торган креслоларда гына йөрергә тиешләр.

    Шулай ук Дәүләт автоинспекциясе 12 яшькә кадәрге балаларны арткы утыргычта да  махсус креслоларда йөртергә киңәш итә.

    Катлаулы һава шартлары җәяүлеләрнең дә юлда үтә сак булуын таләп итә.  Җәяүлеләр юлның транспорт йөри торган өлешен бары тик җәяүлеләр кичүеннән һәм светофорның рөхсәт сигналы буенча гына узарга тиешләр. Юл аша чыгар алдыннан һичшиксез туктарга һәм барлык транспорт чараларының да туктаган булуына һәм сезне уздырып җибәрергә әзер икәнлегенә инаныгыз.

    Тәүлекнең караңгы вакытында юлда киемдә һәм башка әйберләрдә яктылык кайтаргыч элементлар куллану зарурлыгын истә тотыгыз.

    Юлда штаттан тыш хәлләр килеп чыккан очракта ярдәм сорап Дәүләт автоинспекциясенә мөрәҗәгать итәргә кирәк.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: