Финалистлар арасында Татарстаннан бердәнбер кеше – Базарлы Матак мәктәбе укучысы Миләүшә Галләмова

Конкурс яшь язучылар һәм шагыйрьләрне ачыклауга юнәлтелгән. Бәйгегә бөтен илдән 1 меңнән артык эш килгән. Судьялар алар арасыннан берничә дистәсен генә сайлап алган. Финалистлар арасында Татарстаннан бердәнбер кеше - Базарлы Матак мәктәбенең 10 б сыйныфы укучысы Миләүшә Галләмова (укытучысы Ләйсән Хәсәнова). Финалга кадәр 6 сайлап алу туры уздырылган. Миләүшә жюрига үзе язган хикияне тәкъдим иткән. "Бу конкурста катнашу минем өчен шәхесемне үстерүнең бик яхшы мөмкинлеге. Мин илебезнең төрле якларында яшәүче бик күп яшь авторлар белән таныштым. Үземнең әсәрем турында Дмитрий Емец, Анна Матвеева кебек танылган язучылардан уңай фикерләр ишетү бик күңелле булды",-дип үз кичерешләре белән уртаклаша Миләүшә.