2017 елда Әлки районы пенсионерларына 969 миллион сум пенсия түләнгән

Анда фондның Татарстан бүлекчәсе идарәчесе урынбасары Елена Горюнова да катнашты, Идәренең узган елгы эшчәнлеге нәтиҗәләре турында аның җитәкчесе Рәис Галләмов сөйләде. 2017 елда районда яшәүче 6522 пенсионерга 969 миллион сум пенсия түләнгән, аның уртача зурлыгы 6 процентка артып, 10481 сум тәшкил итә. Бөек Ватан сугышы ветераннарының уртача пенсиясн 28910 сумга җиткән.

Район Пенсия фонды идарәсе республикада алдынгылардан, төрле юнәлешләр буенча рейтингы югары, коллектив мактаулылар рәтендә. Елена Горюнова моны кат-кат әйтте. Ә биредә озак еллар эшләгән белгеч Розалия Галиевага Россия Пенсия фонды отличнигы дигән күкрәк билгесе тапшырды.