Әлки хәбәрләре
  • Рус Тат
  • Әлки районының Геройлар паркындагы тантанада йөзгә якын укучы яшьармиячеләр сафына кабул ителде

    Базарлы Матактагы Геройлар паркында Ватан Геройлары көне зур тантана белән билгеләп үтелде.

    Әлки төбәге туган илгә алты Советлар Союзы Герое, биш Социалистик Хезмәт Герое үстергән. Ике якташыбыз Дан орденының тулы кавалерлары булды. Тантанага җыелган сугыш һәм хезмәт ветераннары, мәктәп укучылары бу батыр якташларыбызны горурлык һәм олы хөрмәт белән искә алдылар. Парктагы Геройлар стеласына веноклар һәм гирляндалар салынды. Бөек Ватан сугышы ветераны Лев Миндрюков балаларны Туган илне яратырга, Ватанны сакларга һәрвакыт әзер булырга чакырып чыгыш ясады. Районның барлык мәктәпләреннән килгән йөзгә якын укучыны яшьармиячеләр сафына кабул итү бәйрәмнең аеруча дулкынландыргыч мизгелләре булды. Тигез сафка тезелгән малайлар-кызлар Ватанга һәм яшьармиячеләр бердәмлегенә тугры булырга тантаналы ант иттеләр.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: