Әлки хәбәрләре
  • Рус Тат
  • Әниләр көненә багышлап Ташбилге авылында бәйрәм үткәргәннәр

    Ташбилге авыл мәдәният йортында Әниләр көненә багышлап, авылда яшәүче барлык әниләрне һәм әбиләрне чакырып бәйрәм үткәргәннәр.

     

    Аларны котлап, сәхнәдә “Шатлык” ансамбле кызлары чыгыш ясаган. Алар әниләргә заманча биюләр күрсәткәннәр. Бәйрәмгә килүчеләрнең күңеленә Эльвира Нурлыхакова, сәхнә ветераны Мәйсәрә апа Гарипова башкарган җырлар аеруча ошаган. Үзешчән сәнгатьтә әле генә катнаша башлаган Эльвина Миндубаева әни турында җырлаган.

     

    Концерт тәмамлангач, авыл фермеры Зөфәр Хөснетдинов барлык хатын-кызларны Әнилә көне белән котлап, аларга алсу розалар бүләк иткән.

    Реклама

    Шундый күңелле кичә оештыручыларга кунаклар исеменнән рәхмәтне өч кыз әнисе, алты оныгының сөекле дәү әнисе Фәүзия Хәмәтҗанова җиткергән.

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: