Ямьле язлар килде

Алмагачлар әзер тора,
Ачарга дип таҗларын.
Менә нинди ямьле бит ул 
Туган якның язлары.

Сиреньнәр дә озакламас,
Хуш исләрен таратыр.
Узып барган һәр кешене
Үзләренә каратыр.

Сандугачлар да көттерми,
Тиздән кайтып җитәрләр.
Иң матур көйләрен сузып,
Илне ямьле итәрләр.

Табигатьнең гүзәл мәле -
Искитмәле хозурлык.
Барлык эшләреңне ташлап,
Сокланыплар торырлык

Мәшәкатьләрне онытып,
Бераз тукталып алыйк.
Тирә - юньнең гүзәллеген
Күңел түренә салыйк.

Ирек Билалов.

Казан.