17 майда Халыкара балалар ышаныч телефоны көне билгеләп үтелә

yandex.ru

Балалар ышаныч телефоны - 8-800-2000-122

17 майда Халыкара балалар ышаныч телефоны көне билгеләп үтелә.

Ышаныч телефонының төп бурычы - балаларның зарларын тыңлау, тормышта катлаулы һәм авыр хәлләргә юлыккан сабыйларны яклау, аларга һәм әти-әниләренә ашыгыч психологик ярдәм күрсәтү. Балалар ышаныч телефонында махсус үкытылган белгечләр - психологлар эшли. Анда һәр кеше, шул исәптән ата-аналар, олылар да шылтырата ала. Исем-фамилияңне, адресыңны, бүтән мәгълүматларыңны атамасаң да була. Ышаныч телефоны аноним һәм бушлай ярдәм күрсәтә. Четерекле хәлгә юлыккансың икән - шылтырат. Балалар ышаныч телефонының номеры - 8-800-2000-122.