Агрокөллият уракка әзер

Алексеевск агрокөллиятенең Базарлы Матак филиалы коллективы 250 гектарда көзге бодай, арпа, катнаш бөртек, сабан бодае үстергән.

Инде бөртеклеләрнең уңышын җыеп алырга кирәк. Кырда бер "Дон", ике "Нива", "КамАЗ" автомобиле, башка техника эшләячәк. Алар инде күптән әзер. Бу турыда филиал директоры Илнур Шәйдуллин әйтте. Механизаторлар Мансур Кәлимуллин, Рафик Зыятдинов, Хәлил Фәттахов, Виктор Зюзин күңелләре күтәренке икәнне яшерми. Басуда бөртекләр дымлырак, көннәрнең аязып китүен көтәләр. Механизаторлар уракны 1 атнада башкарып чыгарга ышандыралар.