Әлки муниципаль районының 105 нче коткару бүлеге хезмәткәрләре күнекмә үткәрделәр

Бу – бүгенге көндә бик әһәмиятле мәсьәлә, чөнки көннәр җылына, сулыклардагы боз катламы юкара бара. Коткаручылар батучыны коткаруның берничә алымын үтәп карады, алар арасында коткару бавы һәм таяк-баскыч куллану да бар иде. 

Гадәттән тыш хәлләр министрлыгының район хезмәткәрләре боз астыннан балык тотарга яратучыларны тагын бер кат кисәтә: кеше салкын суга килеп төшкәч, минутлар гына түгел, һәр секунд та санаулы була. Ә иң якындагы коткару посты хезмәткәрләре килеп җиткәнче дә, күпмедер вакыт үтү сорала. 
Хәзер язгы бозга кермәгез. Балык тотам, дип, гомерегезне куркыныч астына куймагыз. 
Якыннарыгызны, мөмкин булганча, сакларга тырышыгыз.
Александр Колос, 105 нче янгын сүндерү-коткару бүлеге җитәкчесе.