Әлки районында Россия Герое Раил Габдрахманов белән очрашу узды

Әлеге чарада район башлыгы Александр Никошин, ТРның “Чик буе сакчылары  берлеге” оешмасының Әлки бүлеге рәисе Андрей Романов,  инвалидлар җәмгыяте рәисе Вайыс Даутов, каһарманның әти-әнисе, район мәктәпләренең югары сыйныф укучылары, Алексеевск авыл хуҗалыгы көллиятенең район филиалы студентлары катнашты. Укучылар Россия Героена сораулар бирде. Очрашу укучылар әзерләгән шигырь-җырлар белән үрелеп барды.