Артык йөк төяргә ярамый

28 сентябрьдән 4 октябрьгә кадәр "На дорогу - без перегруза!" дип исемләнгән акция үткәрелә.

Аны Россия Транспорт министрлыгы каршында эшләүче федераль юл агентлыгы "РАДОР" берләшмәсе белән берлектә уздыра. Бу - юлларны саклап тоту һәм авыр йөк машиналарының чамадан тыш йөк төявен күзәтү астына алу өчен оештырыла. Бу көннәрдә юлларда артык йөк төялгән машиналарга игътибар арта. Шулай ук юлларда транспорт чараларын автомат рәвештә үлчәү җайланмалары да урнаштырыла. Росавтодор мәгълүматларына караганда, йөк машиналарының яртысы диярлек чамадан тыш йөк төяп йөри.