Балалар хосписына ярдәм булсын

Яңа ачылган никахлашу залында "Гашыйк йөрәкләрнең игелекле гамәлләре өчен" дигән Хәйрия акциясе башланды.

Әлеге акция бөтен республика күләмендә үткәрелә. Ул Казандагы Анжела Вавилова исемендәге балалар хосписында ятучы авыр хәлдәге пациентлар өчен средстволар җыюга юнәлтелгән. Залда урнаштырылган йөрәк формасындагы үтә күренмәле кубка биредә беренче никахлашкан пар үз взносын кертте инде. Яңа өйләнешүче парлар гына түгел, бүтән райондашларыбыз да әлеге игелекле эшкә үз өлешләрен кертерләр дип ышанасы килә.