Базарлы Матакта бүгеннән үзара салым мәсьәләсе буенча җыеннар үткәрелә башлый

Базарлы Матак авыл җирлеге – районда иң зурысы. Биредә 6300 тирәсе кеше яши. Зур җирлекнең, билгеле, мәшәкатьләре дә күп. Узган ел Базарлы Матак авыл җирлегендә  үзара салым түләүләрен кертү буенча җирле референдум үткәрелгән иде. Ә быел бу мәсьәләне халык җыеннарда хәл итә.

Киләсе елга үзара салым мәсьәләсе буенча Базарлы Матакта җиде җыен узачак. Җыелышларның беренчесе бүген 15.00 сәгатьтә район мәдәният йортында була.