“Бердәм Россия” спортчыларны бүләкли

Август ае дәвамында яшьләр эшләре һәм спорт бүлеге һәм "Бердәм Россия" партиясенең җирле бүлеге спортның биш төре буенча Спартакиада үткәрделәр.

Партия проекты кысаларында оештырылган әлеге спорт бәйгеләре "Без сәламәт, безгә кушылыгыз!" девизы астында узды. Ә 29 августта Республика көне һәм район юбилее уңаеннан үткәрелгән бәйрәмдә эшләүче яшьләр һәм мәктәп укучылары арасында спортның тугыз төре буенча ярышлар, ГТО нормаларын тапшыру оештырылды. Җиңүчеләргә "Бердәм Россия" партиясе җирле бүлеге бүләкләре тапшырылды.