Бәрәңге алуга керештеләр

Чуаш Борнаенда Анатолий Тяминов фермер хуҗалыгында бәрәңге ала башладылар.

Бу фермер хуҗалыгында быел бәрәңгене 72 гектарда үстерделәр. Коры вакытта бәрәңгегә су сиптерделәр. Дымга тилмермәгәч, уңыш та әйбәт булган. "Дөрес, бәрәңге алуга керештек кенә әле, эшне төгәлләмичә уңыш белән мактанып булмый",-ди фермер хуҗалыгы җитәкчесе Анатолий Тяминов.

Тяминов быел мең тонна сыйдырышлы яшелчә саклау склады да төзүгә кереште. Ул өлгергәч, бәрәңгене шунда саклап, акрынлап кына сата алачак. Арадашчылар бәрәңгене түбән бәядән алу ягында. Склад тулысынча җылытылып файдаланылуга тапшырылса, фермерга уңышны ашык-пошык урнаштыруны кайгыртасы булмый.