Чемпионатка килгән ватерполчылар Әлки районы тарихы белән таныштылар

Базарлы Матакта су полосы буенча Россия чемпионатының икенче турында катнашучы спортчылар районның тарихы һәм бүгенге тормышы белән дә кызыксынды.

Алар С.М.Лисенков исемендәге туган як тарихы музеенда булдылар, андагы экспонатларны зур игътибар белән карадылар. Ватерполчы үсмерләргә музейның космос залы аеруча ошады. Музейда булганнан соң кунаклар өчен Базарлы Матак авылы буйлап автобус экскурсиясе оештырылды. Спортчылар биредә халыкның ничек яшәве турында сораштылар, паркларда булдылар. Безнең район үзәге аларга бик ошады.