Күп балалы әти-әниләр отпускыга үзләре өчен уңайлы вакытта китә алачак

Быелның 11 октябрендә чыгарылган Федераль закон нигезендә Россия Федерациясе Хезмәт кодексы 262.2 маддә белән тулыланды.

Әлеге канун өч һәм күбрәк баласы булган хезмәткәрләргә еллык түләүле отпуск бирү чираты тәртибен билгели. Закон белән расланганча, 12 яшькә кадәрге өч һәм күбрәк баласы булган хезмәткәрләргә еллык түләүле отпуск аларның теләге буенча үзләренә уңайлы вакытта бирелергә тиеш. Федераль закон 2018 елның 22 октябреннән көченә керде.

Луиза Хәйруллина,

район прокуроры урынбасары, юстиция советнигы.