Көзге ярминкәдә катнаштылар

Районның берничә авыл җирлеге вәкилләре, фермерлар, эшмәкәрләр узган шимбәдә Казанда Дәрвишләр бистәсендә көзге ярминкәдә сәүдә иттеләр.

Безнекеләр ярминкәгә 25 берәмлек техника белән көзге нигъмәтләр төяп бардылар. Яшелчә, ит-сөт ризыклары, бәрәңге, бөртекне халык бик теләп алган. Бигрәк тә сөт, үрдәк һәм тавык түшкәләре тиз сатылып беткән. Фермер Тяминовның бәрәңгесенә дә сорау зур булган.

Ярминкә барышы белән республика авыл хуҗалыгы һәм азык-төлек министры Марат Әхмәтов танышкан. Ул әлкилеләр алып килгән мул продукциягә югары бәя биргән.