Әлки игенчеләре беренче имтихан тота

Һәр елны Сабантуй бәйрәмнәре алдыннан язгы чәчү эшләренә бәя бирелә, агрочараларның ни дәрәҗәдә сыйфатлы башкарылуы билгеләнә, җитешсезлекләр ачыклана иде. Менә быел да “Кызыл Шәрык-Агро” системасында эшләүче механизаторлар басуда башкарылган эшләренә имтихан тота. Бүген агрофирмада Казаннан килгән белгечләр эшли.

Комиссия иң элек сабан культураларының әйбәт эшкәртелгән кырларга чәчелүенә, тишелешенә, басуларга кертелгән ашлама, үсемлекләрне саклау (чүп үләннәргә, корткычларга каршы гербицидлар кертү) чараларының вакытында һәм сыйфатлы башкарылуына игътибар итәчәк.

Белгечләрнең чәчү эшләрен ничек бәяләве нәтиҗәләр чыгарылгач мәгълүм булыр.