Әлки муниципаль район советы утырышында депутатлар район бюджетына үзгәрешләр керттеләр

Аның белән район советы рәисе, район башлыгы Александр Никошин җитәкчелек итте. Депутатлар каравына биш мәсьәлә тәкъдим ителде. Район советының “Әлки муниципаль районының 2019 елга һәм 2020,2021 елларның планлаштырылган чорына бюджеты турында”гы узган елның 17 декабрендә кабул ителгән карарына үзгәрешләр кертү тәкъдиме белән финанс-бюджет палатасы рәисе Илгиз Габидуллин чыкты. Ул икенче мәсьәлә буенча да чыгыш ясады.

Депутатлар шулай ук район башкарма комитеты структурасына кагылышлы һәм башка оештыру мәсьәләләрен карадылар, карарлар кабул иттеләр.