Әлки район үзәгендә яңа элемтә станциясе төзеләчәк

Соңгы вакытларда “Летай” кәрәзле элемтә хезмәтеннән файдаланучылар аның сыйфатына, исеменә туры килеп бетмәгән тизлегенә зарлана башладылар. Элемтәчеләр моны кулланучылар санының бик нык күбәеп китеп, станциянең егәрлеге җитмәү белән аңлаталар. Һәм менә шушы җитешсезлекне бетерү максатыннан Базарлы Матакта яңа база станциясе төзеләчәк. Бу интернет тизлеген арттыру, элемтәнең сыйфатын яхшырту мөмкинлеге бирәчәк.