Әлки районы: 5 июньгә кадәр балык тоту тыела

Бу әлеге чорда балыкларның уылдык чәчүе белән бәйле. Биологик ресурслар буенча ТР Дәүләт комитетының районара бүлеге җитәкчесе Андрей Ерусланов әйтүенчә, уылдык чәчү чорында Куйбышев һәм Түбән Кама сусаклагычларыннан һәм аларга коя торган барлык елгалардан барча төр балык тоту җайланмалары белән, тыелмаган урыннарда яр буеннан ике энәдән дә артмаган донлы яисә бер калкавычлы кармак белән балык тотудан тыш, бөтен төр су биоресурсларын тоту тыела.