Әлки районы Апак авылы өлкәннәрен иганәче авылдашлары сөендергән

Мансур Нотфуллин туган авылына гел ярдәм итеп тора. Аның авылдашлары өчен башкарган игелекле эшләре бихисап.  Бөек Җиңүнең 75 еллыгы уңаеннан да ул Апак җирлегендә яшәүче тыл хезмәтчәннәренә бик бай азык-төлек пакетлары әзерләп җибәргән. Ураза тотучы өлкәннәр дә аның күчтәнәч җыелмаларын алган. Җирлектә 25 өлкән кеше иганәченең бәйрәм бүләкләренә ия булган.

Апак авыл җирлеге җитәкчелеге дә тыл хезмәтчәннәренә һәм сугыш ветераннарының тол хатыннарына бүләкләр өләшкән.