Әлки районы башлыгы Александр Никошин православие христианнарын Пасха бәйрәме белән котлады

“Хөрмәтле райондашлар! Бөек Ураза тәмамлану һәм Иисус Христосның яңадан тууы – Пасха белән ихластан тәбрик итәм. Пасха тормыш тантанасы, буыннарның аерылгысыз бәйләнеше, кешеләрне ярату, аларга хезмәт итү һәм кичерә белү символы булып тора. Йөрәкләрдә мәхәббәт һәм өмет  уятучы бу якты бәйрәм кешеләргә яңарыш һәм рухи бергәлек (духовное возрождение) хисләре бүләк итә, изге гамәлләргә рухландыра. Якты Пасха бәйрәме өйләрегезгә шатлык, иминлек, күңел күтәренкелеге китерсен, рухи көч өстәсен, күркәм эш-гамәлләргә этәргеч бирсен, өмет-ышанычларыгызны ныгытсын. Һәркайсыгызга сәламәтлек, бәхет, уңышлар телим!”–диелә район башлыгы котлавында.