Әлки районы башлыгы Александр Никошин якташларын яз һәм хезмәт бәйрәме белән кайнар котлый

Хөрмәтле әлкилеләр!
Район җитәкчелеге һәм шәхсән үз исемемнән сезне Яз һәм хезмәт бәйрәме белән кайнар котлыйм.
Тормышыбызда күп нәрсәләр үзгәреш кичерде, 1 Май бәйрәме дә төрле чорларда төрлечә аталды. Әмма яз килү, табигатьнең уянуы, өмет-ышанычларның ныгуы билгесе булган якты бу бәйрәмне барлык буын вәкилләре – олысы-кечесе ярата, көтеп ала. Ул чын мәгънәсендә бөтенхалык бәйрәме булып кала. Бәйрәмнең асылы да үзгәрешсез – ул Туган илгә эчкерсез хезмәт итүче барлык кешеләрнең дуслыгын, бердәмлеген һәм теләктәшлеген символлаштыра. Бу – үзенең хезмәте белән туган ягыбыз үсешенә, иксез-чиксез илебезнең чәчәк атуына лаеклы өлеш кертүчеләрнең бәйрәме. Ә Әлки җире һәрчак уңган-булган чын хезмәт кешеләре белән дан тотты, алар белән горурланды. Бүген дә иген басуларында, терлекчелек фермаларында, гомумән, район хуҗалыгының барлык тармакларында кызу эш кайный. Көнне-төнгә ялгап уңыш язмышы өчен көрәшүче механизаторларыбызга без аеруча зур уңышлар телибез.
Кадерле якташлар! Бу күркәм бәйрәм көнендә тырыш хезмәтегез, районыбызның социаль-икътисадый үсешенә зур өлеш кертүегез өчен ихлас рәхмәтләр кабул итегез. Яз һәм хезмәт бәйрәме һәркайсыгызга сәламәтлек, бәхет, эшегездә уңышлар алып килсен. Яңа хезмәт казанышлары, гаилә иминлеге, йорт-җирегездә муллык һәм бәрәкәт сезгә!
Александр Никошин,
муниципаль район башлыгы, район советы рәисе.