Әлки районы Чуаш Кичүе җирлегендә – яңа башлык

Утырыш эшендә район башлыгы Александр Никошин катнашты.

Чуаш Кичүе авыл җирлеге башлыгы итеп депутатлар бертавыштан Рафаэль Зәйдулинны сайладылар. Рафаэль Нурәхмәт улы моңа кадәр Карга, Чуаш Кичүе, Хузангай сөтчелек комплексларында җитәкче булып эшләгән иде.

Әлегә кадәр Чуаш Кичүе авыл җирлеге башлыгы булган Ирина Мамбетовага биш ел дәвамында нәтиҗәле эшләгәне өчен рәхмәт белдерелде. Ул янә үз профессиясе буенча – урманчылык тармагында хезмәтен дәвам итәчәк.