Әлки районы Чуаш республикасы Сабантуена җыена

Урмайда Сабантуй 15 июньгә билгеләнгән. Милли бәйрәмгә районыбыз җитәкчеләреннән тыш үзешчән сәнгатьтә катнашучылар, спорт бәйгеләре оештыручылар, аш-су осталары, кул эшләнмәләре җитештерүчеләр барачак.

Әлки районы соңгы 15 елда төрле төбәкләрдә яшәүче милләттәшләребезгә Сабантуйлары үткәрүдә ярдәм итеп килә. Әлкилеләр катнашында Ярслауда, Пензада, Дзержинскта, шул ук Чуаш республикасында милли бәйрәмнәребез берничә тапкыр гөрләп үтте.