Әлки районы Иске Матак үзешчәннәре Кузнечихага барып концерт куйдылар

Авыл мәдәният йорты директоры Сергей Калмыков җитәкләгән коллективны тамашачылар җылы каршы алдылар, үзешчәннәрнең һәр чыгышын алкышларга күмделәр. Аларга бигрәк тә “Ромашка” ансамбле башкарган җырлар, шулай ук башка сәхнә осталары тыңлаткан шигырьләр, күрсәткән биюләр бик ошады.

Кузнечиха һәм Иске Матак авыл клублары арасында дуслык элемтәләре елдан-ел ныгый. Март аенда күршеләр безгә килеп концерт куеп киткән иделәр. Әнә шулай үзешчәннәр тәҗрибә уртаклашып, сәхнә осталыкларын камилләштерәләр.