Әлки районы: «Халык сорауларга теләп җавап бирә, исәпкә алуның мөһимлеген аңлый»

 Исәпкә алу башланганнан бирле ул инде йөздән артык йортта мәгълүматларны теркәргә өлгергән.                
Юхмачы урта мәктәбендә укытучы булып эшләүче Галина Москвинаны җирлектә яшәүчеләр яхшы белә.                      
–Халыкка нинди сораулар бирәсез?–дип сорыйм исәпкә алучыдан.                                                                                                
–Өйдә ничә кеше яшәве, җир кишәрлегендә нинди яшелчәләр, агач-куаклар үстерүләре, күпме мал-туар, кош-корт асраулары хакында хакында сорашам. Авыл халкы ачык йөз белән каршы ала. Сорауларга бик теләп җавап бирәләр, исәпкә алуның  мөһимлеген, дәүләткә авыл хуҗалыгы тармагын үстерүдә дөрес карарлар кабул итү өчен кирәклеген аңлыйлар,– ди Галина Александровна.
Алар мәгълүматларны  электрон рәвештә планшетта тутыралар һәм һәр көнне башкарылган эшләре буенча дәүләт статистика бүлегенә хисап тоталар икән.