Әлки районы китапханәләре быел 3 мең ярым китапка баеган

Аларның 2664е– татар телендә, 827 се – рус телендә, 32 се – чуаш телендә. Китапханәләр вакытлы матбугат басмаларын да яздырып ала. Әйтик, үзәк китапханәгә 24 исемдәге журнал (5 татарча, 19 русча) һәм 21 исемдәге газета (5 татарча, 16 русча) килә. Ә авыл китапханәләрендә 4 төрле журнал һәм 4 исемдә газета алып укырга була. Аларның яртысы татар, яртысы рус телендә.

Районда 36 китапханә эшләп килә. Алар быел 15 мең 190 китап укучыга хезмәт күрсәткән. Барысы 319 мең мәгълүмат чыганагы бирелгән. Ел буена һәр китап укучы китапханәгә 13 мәртәбә килгән һәм уртача 22 китап я журнал алган.