Әлки районы Кошки җирлеге башкарма комитеты тиздән өй туен бәйрәм итәчәк

Хәзер биредә авыл җирлеге башкарма комитеты, почта һәм телефон станциясе урнашачак. Төзелеш эшләрен “Строитель и К” җәмгыяте башкара. Төзүчеләр бинаның түбәсен, ишек-тәрәзәләрен, шулай ук җылылык системасын тулысынча алыштырганнар.

–Төзекләндерү эше авыл җирлекләре башкарма комитетлары биналарын капиталь ремонтлау буенча республика программасы нигезендә алып барыла. Төзүчеләр бик тырышып хезмәт куя. Яңартылган бинаны файдалануга тапшыру авыл кешеләре өчен Республика көненә үзенә бер бүләк булыр,–дип уртаклашты әлеге яңалыкны Кошки авыл җирлеге башлыгы Илнур Сираев.