Әлки районы: Максим Муштаков ТР бадминтон федерациясеннән бүләк алды

Татарстан Хисап палатасында узган очрашуга югары нәтиҗәләр күрсәткән спортчылар һәм тренерлар чакырылган иде. Безнең районның бадминтон буенча тренеры Максим Муштаков та әлеге чарада катнашты.

Алексей Демидов чакырылганнарга республикада бадминтон үсешенә өлеш керткәннәре өчен рәхмәтен белдерде. Максим Муштаков 2020 елда Бөтенроссия һәм республика ярышларында призлы урыннар алган спортчыларны әзерләгән өчен бүләк алды.