Әлки районы мәктәпләре макулатура һәм пластик калдыклары җыеп тапшыралар

Әйтик, узган атнада ике тоннадан артык макулатура җыеп тапшырганнар. Ел башыннан тапшырылган кәгазь калдыкларының гомуми авырлыгы 29 тоннадан артып, мәктәпләр 116272 сум акча эшләгән. Макулатура җыю буенча бер укучыга исәпләгәндә Югары Әлморза (24,4 кг), Яңа Салман (23,2 кг), Алпар (20,9 кг) мәктәпләре, Нәби Дәүли исемендәге гимназия (22,1 кг) алдынгылар. Әмма соңгы атнада тулаем җыелган иң күп макулатура Базарлы Матак урта мәктәбенә туры килә. Укучылар тырышлыгы белән 696 кг макулатура җыеп тапшырган бу коллектив.