Әлки районы Нәби Дәүли исемендәге гимназия укучысы Илназ Хәмидуллинга Татарстан Көрәш федерациясе Рәхмәте белдерелде

“Татар халкының милли байлыгы – көрәшне үстерүдәге казанышларын исәпкә алып һәм көрәш буенча Россия беренчелеге ярышларында 45 килограмм авырлык үлчәмендә беренче урын алуы өчен Татарстан Республикасы Көрәш федерациясе Президиумы һәм меңнәрчә көрәшчеләр Сезгә рәхмәт белдерәләр”, диелә Татарстан Премьер-министры урынбасары, Татарстан Көрәш федерациясе Президиумы рәисе Марат Әхмәтов имзалаган документта.
Көрәш буенча чемпион әзерләгән өчен Илназның тренеры Илдар Әхмәров та шундый Рәхмәт хатына лаек булды.