Әлки районы Пенсия фонды идарәсе яңа күләмдәге ана капиталы алуга гаризалар кабул итә башлый

Быел гамәлгә кергән федераль закон нигезендә ана капиталы программасы киңәйтелде һәм 2026 елның 31 декабренә кадәр озайтылды. Хәзер гаиләләр беренче балалары тугач ук 466 мең 616 сум түләү алачак. Ике балалы гаиләләр өчен ана капиталының суммасы 616 мең 617 сум булачак.

Пенсия фонды идарәсе җитәкчесе Рәис Галләмов хәбәр иткәнчә, 2007 елдан бирле районда 1402 гаилә ана капиталына ия булган.