Әлки районы: Рамил Кәлимуллинның “Михнәтле гасыр” исемле саллы китабы чыкты.

Рамил Кәлимуллин Карамалы авылында туып үскән. Хәзер ул лаеклы ялда, Казан арты бистәсендә яши. Пенсиягә чыккач каләм тибрәтә башлый. Беренче китабы – туган авылына багышланган “Исәнбайдан – Карамалы. Авыл тарихы” 2017 елда басылып чыккан иде. Инде районның төрле еллардагы тормышы турындагы “Михнәтле гасыр” дип аталган калын китабы дөнья күрде. Гаять кызыклы, йөгерек укыла торган хезмәт. Аннан кайбер өзекләрне газетабызга һәм сайтыбызга урнаштырырбыз әле.