Әлки районы: республикада цифрлы телевидениегә күчү октябрьгә чаклы күчерелде

Аның үтенече канәгатьләндерелгән – республикада аналог телевидениесе 3 июньдә түгел, 14 октябрьдә эшләүдән туктаячак. Дөрес, әлкилеләр цифрлы каналлар карауга тулысынча күчеп бетте инде. Шунысы бар, аналог тапшыруы бетерелгән очракта ТНВ каналын карау авыр булачак иде, чөнки бу каналның тапшырулары цифрлы форматта түгел. Шәт, октябрьгә чаклы ТНВны да шундый форматта карау мөмкин булыр.