Әлки районы сәүдә нокталарына “Нахак” китабы сатуга чыкты

Бу “Казан утлары” китапханәсеннән алтынчы китап. Анда авторның “Урам балалары” повесте һәм “Нахак” хикәясе урын алган. Әлеге әсәрләрдә үсмерләрнең җиңел булмаган тормышы, бүгенге кырыс дөньяда үз урыннарын табарга омтылуы, гаилә җылысын эзләве тасвирлана. Гаиләдә ана назы, аңлау таба алмаган урам балалары тормыш урамнарында адашып калмасмы?

Сәүдә нокталарында шулай ук “Казан утлары” китапханәсеннән “Уйламаган көнем юк”, “Киллер”, “Никах”, “Җиләкле алан”, “Төзәтәсе ялгышлар бар” дигән китапларны алырга була.