Әлки районы Татар Төгелбәе авылында якташлар ярдәме белән зират коймасы яңартылды

Периметры 1250 метр булган зиратның коймасын яңарту өчен шактый зур сумма акча кирәк. Бәхеткә, бу эштә ярдәм итәрлек юмарт җанлы кешеләр табылган. Мәсәлән, шунда туып үскән Ларисә Абдуллина (ул эшмәкәр, Питрәчтә яши) материаллар сатып алырга дип 100 мең сум акча биргән. Койма тоту буенча бөтен эшне авыл халкы башкарып чыккан, аларга шулай ук Түбән Камадан Илгиз Усманов һәм Базарлы Матактан Гөлшат Мингалимов булышканнар.