Әлки районы Түбән Әлки авылында зурлап кыш озату бәйрәме үткәрделәр
Түбән Әлки җирлегендә барлык авыл халкы, якташлар, кайткан кунаклар белән бергә кышны озату бәйрәме үткәрделәр.
Авыл уртасында җыр-бию тынып тормады. Такмаклар, дәртле җырлар яңгырады, күмәк биюләр башкарылды. Мәдәният йорты хезмәткәрләре оештырган ярышларда да халык кыстатмый катнашты.
Саф һавада һәркем кайнар чәйдән, коймактан авыз итте.
Ә янәшәдә яшьләр, мәктәп укучылары һәм олылар хоккей буенча иң көчле команда исеменә ярышты. Бәйгедә “Студентлар” командасы беренче урынны алды. Икенче урында – “Кызыл машина” (Түбән Әлки мәктәбе укучылары), өченче – “Ветераннар” командалары. Ярыш йомгакларын игълан итеп, авыл җирлеге башлыгы Мансур Галиуллин аларга спонсорлар әзерләгән саллы бүләкләрен тапшырды.
Следите за самым важным и интересным в Telegram-каналеТатмедиа
Нет комментариев