Әлки районы: Тумбага чиста су, Каракүлгә – юл

“Чиста су” республика программасы буенча Иске Тумба авылында яңа скважина казылды быел.

Суның сыйфатын тикшерү өчен анализ ясала. Шул ук вакытта скважинаны су системасына тоташтыру эшләре дә башкарыла.

Ә Каракүл авылында халык мөрәҗәгатен исәпкә алып зиратка кадәр юл төзелә. Моны үзара йөкләнгән салым акчасына эшлиләр. Юлның 200 метры инде ясалган, тагын 300 метрына ком түшисе бар. Авыл җирлеге башкарма комитеты бу эшне җәй узганчы төгәлләргә исәпли.