Әлки районы укучысы Делина Гыйзетдинова коррупциягә каршы тору буенча яшьләр арасында республика бәйгесендә катнаша

Делина онлайн әңгәмә үткән, анда үзе турында сөйләгән, экспертларның сорауларына җавап биргән. Аннан соң ул коррупциягә каршы тору өлкәсендә норматив-хокукый актларны, дәүләт төзелешен ни дәрәҗәдә белүен күрсәткән. Конкурсантлар шулай ук логикага нигезләнгән мәсьәләләр чишкәннәр. Тестны уңышлы узып, Делина конкурсның чираттагы этабына үткәрелгән – шушы көннәрдә ул Казанда укып кайткан. Көзге каникулдан соң Делина үзе укыган мәктәптә,  гимназиядә һәм Алексеевск агрокөллиятенең район филиалында “Яшьләр коррупциягә каршы” дигән темага чаралар үткәрәчәк.