Әлки районы: урманнарга керү вакытлыча тыела

Татарстан хөкүмәте карары нигезендә, 21 көнгә урман массивларында булуга чикләү кертелде. Бу республика территориясендәге урманнарда IV һәм V класслы янгын куркынычы хөкем сөрү белән бәйле.

Район урман хуҗалыгы җитәкчесе Илсур Зәйнуллин әйтүенчә, кагыйдәләрне бозучыларга карата штрафларның күләме янгынга каршы махсус режим чорында ике тапкыр арта. Ут-күз чыгарып, урманга зыян салынса, андый хокук бозучыларны җинаять җаваплылыгына тарту да каралган.