Әлки районы Югары Әлморза авылында урам юлларын төзекләндерәләр

Бу хакта редакциягә  авыл халкы бик сөенеп хәбәр итте. Без Юхмачы авыл җирлеге башлыгы Рамис Сәлахов белән элемтәгә кердек.

–Узган ел халыктан җыелган үзара салым акчасына без Югары Әлморзаның әлеге урамында 450 метр озынлыкта юлны күтәртеп эшләгән идек. Быел бу эшне дәвам иттерәбез. Бу урам юлының тагын 200 метры ком, вак таш салып төзекләндереләчәк. “Алексеевскдорстрой” җәмгыяте юл төзүчеләре ремонт эшен башладылар инде,–диде авыл җирлеге башлыгы.