Әлки районы укучысы илкүләм бәйге җиңүчесе

Базарлы Матак мәктәбенең Х сыйныф укучысы Ольга Гнеденкова "Россия укучылары хәрәкәте" - Юнармия апрельдә үткәргән "Вакыт безне сайлый!" дигән конкурста катнашкан иде.

Ул Россия буенча җиңүчеләр исемлегенә керде (Татарстаннан нибары дүрт укучы). Ольга "Бөркеткәй" лагерында ял итәчәк моның өчен. Яшь армиячеләр сафына Оләга Гнеденкова узган елның октябрендә алына. Шул вакыт аралыгында ул укытучысы Сергей Платонов җитәкчелегендә зур уңышларга ирешә. Конкурста катнашу өчен Ольга төрле ярышларда алган грамоталарын һәм проект эшен тәкъдим итә.