Әлки районында авыл җирлекләре рейтингында Иске Чаллы беренчелекне тота

Мәгълүм булганча, авыл җирлекләре башкарма комитетларының эшен бәяләгәндә халыктан сөт җыюны, терлекләрне ясалма орлыкландыруны оештыру, гаилә һәм кече фермалар булдыру, үзара салым түләүнең торышы, иясез иске йортларны сүтеп алу кебек юнәлешләр исәпкә алына. Быелның беренче ае нәтиҗәләре буенча алдынгы бишлеккә Иске Чаллы, Иске Алпар, Иске Камка, Ташбилге, Борискино авыл җирлекләре кергән. Ә Кошки, Чиябаш, Апак, Иске Матак, Юхмачы җирлекләре әлеге исемлекнең азагына калганнар. Димәк, аларда эшне җанлырак оештыру буенча җитди чаралар күрү зарур.